2015 AIA欧陆嘉年华试玩报告!10大必玩机动游戏全攻略

7/1/2016优惠行情更新!

未去玩AIA欧陆嘉年华的朋友要留意了!1月份有优惠!由即日起去到29日(15/1除外),週一至五,凡购买一张成人门票(港币125元),其中一位同行之成人或小孩可享免费入场及一共10个代币。又有多个藉口去嘉年华烧钱了!不过去玩之前,就睇下机动游戏试玩报告先啦!

AIA欧陆嘉年华又返嚟喇!位于中环的嘉年华,都会有29款机动游戏等你玩。今年更新增多个「亲子机动」游乐设施,大人小朋友都可以尽兴而返。

记者Mandy今日已经急不及待去咗率先试玩,发现无论係摊位定机动游戏都比上年吸引,即刻睇吓呢10个由我精选嘅机动游戏啦!不过今日试玩阶段,所有机动游戏都仲未定价,想知抵唔抵玩,就要黐实我地,一有消息马上为你update!

1. 全场最惊!MACH5

今年继续有呢个「巴黎铁塔反转再反转」,以时速110公里不停360度旋转。先唔好讲转到头都晕,仲有50米高嘅离心力,净係停喺半空等另一边车厢嘅乘客上车,都已经好考胆量!

2015 AIA欧陆嘉年华试玩报告!10大必玩机动游戏全攻略

尖叫度:★★★★★★(简直嗌到爆晒标呀!)

玩后感:玩完落嚟就有少少晕,因为真係转得太犀利,记住玩之前唔好食咁饱。

2. 巨型海盗船 Das Dun Schiff(15年新增!)

虽然海盗船听落好似冇乜特别,但係今次呢只海盗船,比主题公园嘅大,上到最高处有成差唔多20米,直头斜到成个人企咗喺度,垂直咁济!

2015 AIA欧陆嘉年华试玩报告!10大必玩机动游戏全攻略

2015 AIA欧陆嘉年华试玩报告!10大必玩机动游戏全攻略

尖叫度:★★★★☆

玩后感:比平时玩嘅海盗船刺激,唔知点解,玩完仲有少少晕船浪嘅感觉添。

3. 阿姐个心都离一离 踫踫车 Dodgems(15年新增!)

继荔园之后,今次AIA欧陆嘉年华亦有踫踫车,而且仲係少数要排队试玩嘅机动游戏,睇嚟都几受欢迎。

2015 AIA欧陆嘉年华试玩报告!10大必玩机动游戏全攻略

尖叫度:★★★☆☆

玩后感:虽然一次过有成20架车一齐玩,不过场内有工作人员协助「不熟车性」嘅朋友仔,就算撞埋一齐都好快分得开,非常贴心。

4. 尖叫无极限 No Limit

如果唔够胆挑战MACH5,可以选择玩呢个轻量级嘅反转再反转。不过话就话轻量级,但係都有成32米咁高,除咗公转仲会自转,真係头都晕埋。

2015 AIA欧陆嘉年华试玩报告!10大必玩机动游戏全攻略

尖叫度:★★★★★

玩后感:虽然係轻量级,但係都係劝大家玩之前唔好食咁饱……

5. 飞天韆鞦 Starflyer(15年新增!)

好多地方都有得玩飞天韆鞦,但係今次呢个有成40米高,本身见到咁高都已经惊惊哋,加埋不断旋转造成嘅离心力,比想像中刺激好玩喎!

2015 AIA欧陆嘉年华试玩报告!10大必玩机动游戏全攻略

尖叫度:★★★☆☆

玩后感:喺半空不断旋转,其实都几冻,记住着多件衫先好玩呀。

6. 湿身飞船 Log Flume(15年新增!)

今日试玩阶段,呢个湿身飞船仲未开放,不过记者都几期待,因为呢个係全场唯一有机会湿身嘅游乐设施。不过提提大家,最近天气冻咗,如果玩到湿晒就好易病,所以记得带多件衫替换呀。

2015 AIA欧陆嘉年华试玩报告!10大必玩机动游戏全攻略

预测尖叫度:★★☆☆☆

7. 飞天巴士 London Bus(15年新增!)

呢架飞天巴士,离地最高都只係大约5米,而且巴士外型靓,适合一家大细一齐玩。

2015 AIA欧陆嘉年华试玩报告!10大必玩机动游戏全攻略

合家欢度:★★★☆☆

评语:其实感觉几似快版摩天轮,不过全程都坐倒头车,唔惯嘅话都可能会有少少头晕。

8. 小飞象 Dumbo(15年新增!)

记者由细到大都好锺意小飞象,见亲小飞象嘅机动游戏都会即刻冲去玩,虽然唔係特别刺激,但係都几啱小朋友玩。

2015 AIA欧陆嘉年华试玩报告!10大必玩机动游戏全攻略

合家欢度:★★★★☆

评语:小飞象升升降降咁都几好玩,有少少少少离心力,加上小飞象外型嘅车厢,对小朋友嚟讲应该都几好玩几刺激。

9. 轻量级海盗船 Rockin Tug(15年新增!)

如果怕海盗船对小朋友嚟讲太刺激,咁呢个轻量级就啱晒你喇。虽然係轻量级,但係有怕死嘅朋友表示,其实都有d惊,所以不妨带小朋友嚟挑战一吓自己!

2015 AIA欧陆嘉年华试玩报告!10大必玩机动游戏全攻略

合家欢度:★★★☆☆

评语:相信呢架船外型已经可以吸引到唔少男孩子,就算唔玩,带佢哋嚟影吓相都开心~

10. 圣诞列车 Santa’s Train(15年新增!)

AIA欧陆嘉年华横跨圣诞档期,所以都应吓节,推出呢个圣诞老人列车,带大家行返几个圈。

2015 AIA欧陆嘉年华试玩报告!10大必玩机动游戏全攻略

合家欢度:★★★★★

评语:相信所有小朋友都锺意圣诞老人,今次坐上圣诞老人列车,实玩得开心啦!

除咗机动游戏之外,其实仲有好多摊位游戏,有超过100万只公仔等你带返屋企,想知点先可以最易赢到公仔?就要留意住我哋嘅报道喇!想知更多影相打卡位,仲可以留意12月21日出版嘅新假期周刊!

友邦欧陆嘉年华2015

日期:17/12/2015 – 21/2/2016

时间:11am – 11pm (大除夕将开放至凌晨1am)

地点:中环新海滨

票价:成人$125(包10个游戏代币);小童及长者$90(包7个游戏代币)

详情

上一篇:
下一篇: